ايام حلوه
في الاسبوع المنصرم وتحديدا ليلة الثلاثا تلقيت دعوة كريمه من اخي الحبيب وزوجه المصون ، للتشرف بزيارتهم في عش الزوجيه الجديد بعد مواعدات مني لهم ان ازورهم في اقرب فرصه لكن مواعداتي طالت وطولت زي مايقولوا (احم احم طبعا لارتباطاتي الكثييره)لكن الجماعه حسمو امرهم اخيرا وقرر اخي الكريم ان يمر علي بعد دوامه وياخذني لبيته وطبعا هذا اللي صار وبديت الم اغراضي وانتشر خبر ذهابي في منزلنا انتشار النار في الهشيم وكاد يقابل بالرفض (لانهم مايستغنو عني هههه)
ولمن رحت لبيت اخوي قلت ياليييييييتني من زماااااان جيت عندكم من جد بيتهم هدوووووء (وهذا اللي كنت ادورله من زمااان الهدوء)مقارنه ببيتنا العامر ماشاء الله .
وطبعا نلت من كرم ضيافتهم (الله يسعدهم) الكثير ومن هنا اقولهم لاتعبو نفسكم انا مو ضيفه ولا شي اعتبروني من اهل البيت واستنو زياره قريبه(مو في الامثال يقولو لاتوري البدوي طريق بيتك هههههههه)
المهم جلست عندهم الى يوم الجمعه كانت ايام حلوه اتمنى تنعاد ، ورديت البيت والكل كان في شوق كبير لحضرة جنابي(تبغون الصراحه عندي ارتباطات مع كل واحد من اهل البيت ولمن رحت مساكين تعلقو هع)
كتبت هذا البوست لعيون اخوي الغالي ابو يوسف (صديق طفولتي) وزوجته ام يوسف والله يرزقكم بيوسف واخوانه قريييب يارب
وحابه اقولكم كانت من جد ايام حلوه قضيتها عندكم صح كانت تقريبا اربعه ايام بس كنت في حاجه لها بصراحه ونستوني وغيرت جو طبعا وكمان تغير روتيني الممل
اها تذكرت على طاري الايام اللي جلستها عندهم اليكم ماحدث في السياره لمن كنت راجعه للبيت
اخوي : ترا ما جلست عندنا غير يوم بس
انا : كيف! حرام عليك انا جايه من ليلة التلوث
اخوي :طيب اطرحي منها اوقات النوم (من جد زودتها عندهم بالنوم يمكن هذا من ثأثير الهدوء <<يقال لي تبرر ) واوقات المذاكره والنت وو
انا: خلااااص مالي صلاح اعتبروها اربعه ايام يعني اربع ايام؛)
حاسه اني طولت الا طولت مايبغى لها احساس، يالله الحين اسيبكم في حفظ الله ورعايته (رحلة امل)
هناك 6 تعليقات:
اشكرك عزيزتي .. نحن دائما مشغولون وتأخذنا الحياة وتبعدنا عن علاقاتنا الاسريه والإجتماعيه .. موضوعك ايقظ فينى بعض الواجبات الاسرية الهامه ..
وفقك الله ..
همس القلم
اشكر لك مرورك العطر
نعم نحن بحاجه لتقوية علاقاتنا خاصه في هذا الزمن زمن الانشغال
بوركتِ عزيزتي
الله يحفظكم ويخليكم لبعض
ااااااااااااااامين
اما على انك مهمه ماشاء الله طالعه عليا دايما اقول نتشابه << خخخخخخخخ
والله يجعل ايامك كلها حلوه
وتقبلي تحياتي
صديقتك المدرسيه
My friend
امين واياك يارب
اكيدبشبه لك من عاشر قوم اربعين يوم صار(زيهم)هههه
منوره بمروركــ:)
اشكرك من كل اعماق قلبي على هذا الطرح الجميل من جد موضوعك جميل جدا>>اسمحيلي ان اضيف هذي العباره ...والله ايام حلوه قضيناهاساعات حلوه حضرناهابين اصحابنا واحبابناكتبانها واتمنلك التوفيق وان شاء الله تكون ايامك دايماحلوه
وينك عزيزتي لأفتقدنا وجودك ...!!
اتمنى ان تكوني بخير ..
لقد مررت لك الواجب التدويني ..
اتمنى ماكون ازعجتك ..
دمت بخير ..
إرسال تعليق